।।স্বাগতম নতুন দিনক ! ।।
শীতৰ কুঁৱলী ফালি
ফাগুনৰ আঁহে-আঁহে
অংকুৰিত হৈ উঠে
বসন্তৰ সুন্দৰ সোপান ।
আমি গৈ থাকো
পুৰণিক ঠেলি-ঠেলি
নতুনৰ তালে--তালে
সৌ সুদূৰৰ দিগন্তৰ ,
সেন্দুৰীয়া সপোনৰ ফালে ।
এটি-দুটি জ্ঞানৰ কণিকা
য'ত পাওঁ সিন্ধুৰ সন্ধান ।
সেইয়া যে আমাৰ প্ৰাপ্য় ,
আমি নৱজীৱনৰ অভিলাষী ,
অসীমৰ যাত্ৰী ।
সংঘাতৰ শাণিত অস্ত্ৰ
আমাৰ পথৰ পাথেয় হয় ।
সুন্দৰৰ আৱাহন
আমাৰ আমোঘ মন্ত্ৰ ।
পুৰণিৰ পথাৰত
নতুনৰ মালা গাঁঠি
আমি আগুৱাওঁ ,
আমি যে ......
নতুন মঞ্চৰ যাত্ৰী !!
______________________জুলী শইকীয়া ।
No comments:
Post a Comment