দুটি স্তৱক-Naba Kalita

-----।দুটি স্তৱক ।---
---------------------------
পোচাকজোৰ দেখো 
তেজৰঙী হ'ল !
অ' আই 
মামাই অৱহেলা কৰিছিল বাবেহে ------
-
আই ত'ই চাগে গম পোৱা নাই
মামাৰ হাত এখন শৰীৰৰ পৰা
বিচ্ছিন্ন কৰি দিলো
আৰু সেইবাবেই
তাইৰ লগতে সকলোৱে
মুক্তিৰ গান গাইছে ।

অপেক্ষা-S Panku Priyam Barhoi

শীতৰ এজাক বৰষুণ
দেহাত এক শিহৰণ তুলি
আলফুলে আঁকি দিলে এটি চুমা

উদং পথাৰখনে আকৌ
সেউজীয়া হোৱাৰ হেপাঁহত
জুৰিটোৰ দৰে চঞ্চল হৈ পৰিল

চোতালৰ দুৱৰি জোপা
এতিয়াও নিয়ৰৰ অপেক্ষাত
এইয়া যে ভালপোৱা হৃদয়ৰ

মোকো জোকাই গ'ল
উদাস মনটো এটি হাঁহিৰে
সন্ধিয়া ঘৰমুৱা পখী জাকৰ দৰে

আবেগ,অনুভূতি এইয়াই হয়তো-Juli Saikia

 

কওঁ বুলিয়েই
কব নোৱাৰি দেখোন
হৃদয়ৰ কথাবোৰ
বিষাদৰ ভাষাবোৰ
লৈ ফুৰা বেদনাবোৰ ।

### আবেগ ###

বুজাম বুলিয়েই
বুজাব নোৱাৰি দেখোন
অন্তৰৰ অনুভূতিবোৰ
সেউজীয়া অনুভৱবোৰ
মৰম অভিমানবোৰ ।

### অনুভূতি ###

ধৰি ৰাখিম বুলিয়েই
ধৰিব নোৱাৰি দেখোন
পাৰ হৈ যোৱা সময়বোৰ
কৈ যোৱা কথাবোৰ
বৈ যোৱা বতাহবোৰ ।

#### এইয়াই হয়তো ####
আবেগ - অনুভূতিৰ
মুক্ত প্ৰকাশ ।
সময়ে কৰে
তাৰ হিচাপ ।।
#### সেই বতাহজাকে ####
মোকো চুই গ'ল
নকওঁ বুলিও
সকলো কৈ গ'ল ।।

_________________✍ জুলী শইকীয়া ।
২৬/১২/২০১৬
****************

LikeShow More Reactions

CommentShare

যাত্ৰা-Banajit Sharma

যোৱাটো নিশা এবুকু বিষাদ নামিল,
আমৰলি পৰুৱাই বাহ লোৱা,
লঠঙা গছ ডালত;
তামৰঙী দূখ এটাই খুটিয়ালে,
তাৰ শিপা...
অভিন্ন হৃদয় কপৌ চৰাই এটা,
বিধূৰ হ'ল...
এজাক ধুমুহাই বাৰুকৈয়ে দহিলে;
আজন্ম সুহৃদ আতৰি যোৱাৰ পৰত,
পূৱপ্ৰান্তত ৰঙা হৈ বেলিটো ওলোৱা নাছিল;
সেয়ে তাৰ,
আজি এক অন্য যাত্ৰা,
হালধীয়াৰ পৰা বগালৈ...

LikeShow More Reactions

Comment

অমিত প্ৰেম-Manash Kamal Choudhury

অমিত প্ৰেম

(১)
নিশাৰ এটি তৰা
দেখিলো অকস্মাৎ
জুৰিতিৰ পাৰত আজি
সি আৰু তাই
কোনেনো তোড়ী বায়?
তোড়ীৰ ৰাগী আজি
মোহনীয়া উজ্জল জোনত
এজোপা গোলাপ ৰুলে
তাৰ বুকুত।
এয়া অমিত প্ৰেমৰ পূৰ্ণিমা।
(২)
নিমাত, নিজম নিশা
টোপাল কৰি সৰে
নিয়ৰ
টোপ-টোপ
পাতে পাতে
নিয়ৰবোৰ উলমি থাকে
এক মায়াময় ৰাতি।

...মানস কমল...
২৫/১২/১৬

untitled-Bhaskar deka

নিশ্চুপ হৈ থাকিম আজি
নকও একো।
শুনিয়েই চাওচোন এবাৰ
শব্দহীনতাত হৃদয়ৰ কোলাহল 
কিজানিবা নিজক বিচাৰি পাও।

ভাস্কৰ-Bhaskar deka

ভাস্কৰ
............ 
এনেদৰেই মই হেৰাই যাও
কাইলৈ অহাৰ প্ৰতিশ্ৰুতিত।
মোৰ বাবেই তোমাৰ পৃথিৱীত 
দিনৰ পোহৰ নিশাৰ এন্ধাৰৰ পৰিসীমা ।
মোৰ বুকুতো জ্বলি থাকে জুঁই একুৰা 
অৰ্নিবান হুতাশন।

দুঃস্বপ্ন--Dhanbor Bhuyan

দুঃস্বপ্ন
------
> (ধনবৰ ভূঞা)
সেইদিনাবোলে ইয়াত এখন নদী নাছিল
যিদিনা আইয়ে শিৰত সেন্দুৰ লৈছিল,
...
আইয়ে শিৰত সেন্দুৰ লোৱা দিনা
আইৰ কোৱাৰিত তামোলৰ পিক নাছিল
নতুন ৰিহাখনত চিটিকনি পৰাৰ ভয়ত
সেপকে ঢুকিছিল,
শুভকামনাত চোতালখনো অতিষ্ঠ হৈছিল,
আইয়ে অভিমান কৰিছিল
জোনটো সেইদিনা ইমান দেৰিকৈ ওলাইছিল..
...
চিনাকি সুৰাৰ গোন্ধটো
আইৰ নাকত লাগিছিল
আইয়ে বুকুৰ বিষটো
মোলৈ ঠেলি দিছিল,
সেইদিনা হোমৰ তাপত
মোৰ বৰ গৰম উঠিছিল,
পিতাইয়ে কেৰাহিকৈয়ো
আইলৈ চোৱা নাছিল,
আইয়ে খঙতে
চুলি কেইডাল ওপৰলৈ তুলি লোৱা নাছিল,
আইয়ে যেতিয়া কান্দিছিল
সুৰাৰ গোন্ধটো মোৰো ঘিণ লাগিছিল..
….
মই ওপজাৰ দিনা
সকলোবোৰ ঢকঢকীয়া বগা হৈ আছিল
আইৰ ৰিহাখন..নদীখন..ঘৰখন..সকলোবোৰ..
মাথো সুৰাৰ গোন্ধটো নাছিল,
আইক সোধাত আইয়ে
আকাশৰ তৰাটো দেখুৱাই কৈছিল
“তৰাৰ দেশত বোলে সুৰা নাপাই
আৰু আমাৰ দেশৰ সুৰাপিক্তবোৰ
তৰাৰ খুব প্রিয়,
সেয়ে সোনকালে তৰাৰ দেশলৈ
মাতি পঠিয়াই"
খৰালিৰ এদিন
পথাৰখনৰ সিপাৰে আইৰ চকুপানী পৰিল,
সেই নিশা তৰাৰ উজ্জ্বলতা
জোনটোতকৈও বেছি আছিল..
...
সেইদিনাবোলে ইয়াত নদীখন নাছিল
যিদিনা আইয়ে শিৰত সেন্দুৰ লৈছিল...

LikeShow More Reactions

Comment

Share

॥ আবুৰ ॥--Ranju Moni Mahant

॥ আবুৰ ॥
✍ ৰঞ্জুমণি মহন্ত

“এতিয়া এজনী বাৰ বছৰীয়া ছোৱালীৰ বাবে কাপোৰ দেখুওৱাচোন । ফ্ৰক দেখুৱাবা, অলপ দীঘল ফ্ৰক, আবুৰ থকা ” ----- ভদ্ৰমহিলা গৰাকীয়ে তেওঁৰ চৈধ্য বছৰীয়া কিশোৰী ছোৱালীজনীৰ বাবে জিনচৰ হাফ পেন্টটো আৰু তাৰ লগত মিলাকৈ এটা পাতল গুলপীয়া ৰঙৰ টপ বাচি লোৱাৰ পিছত দোকানীজনক উদ্দেশ্যি ক’লে ।

“ বেছি দামী নালাগে দেই, ঘৰত কাম কৰা ছোৱালীৰ বাবেহে ।” -- তেওঁ পুনৰ ক’লে ।

"দীঘল ফ্ৰক বিচাৰোতেই গম পাইছো বাইদেউ, কাম কৰা ছোৱালীৰ বাবে বুলি । কাৰণ মানুহে কাম কৰা ছোৱালীক দীঘল আৰু নিজৰ ছোৱালীকহে চুটি কাপোৰ পিন্ধায়”
--- দোকানীজনে উত্তৰ দিলে ।

LikeShow More Reactions

Comment

Share

তুমি ধুনীয়া ছোৱালী-Madhu Nath

তুমি ধুনীয়া ছোৱালী
"""""""""""""""""""""""
তুমি ধুনীয়া ছোৱালী
ক'ত তোমাৰ ঘৰ
তোমাক দেখা পাওঁ কেতিয়াবা কেতিয়াবা
জালুকবাৰীৰ পদপথত
কেতিয়াবা কেতিয়াবা ব্ৰহ্মপুত্ৰৰ বালিচন্দাৰ মাজত
আকৌ কেতিয়াবা মায়াময় জোনাকৰ কোলাত

তুমি ধুনীয়া ছোৱালী
নাম কি তোমাৰ
তোমাক দেখা পাও কেতিয়াবা কেতিয়াবা
আহিনৰ সেউজী পথাৰত
কেতিয়াবা জুৰ জুৰ মলয়াৰ মাজত
আকৌ কেতিয়াবা নূপুৰ বজোৱা বৰষুণৰ মাজত

তুমি ধুনীয়া ছোৱালী
কি সাজেৰে সাজোনমতী তুমি
তোমাক দেখা পাওঁ কেতিয়াবা কেতিয়াবা
ঝুমুৰ ঝুমুৰ নাছনীৰ সাজত
কেতিয়াবা ঢোল পেপা গগনাৰ মাজত
আকৌ কেতিয়াবা কাষত কলশী লোৱা ৰাধাৰ সাজত

হেৰ ধুনীয়া ছোৱালী
তুমি সদায় ধুনীয়া হৈয়েই থাকা
মোৰ উমাল বুকুৰ সেউজ পথাৰত
তুমি মাটিৰ মানুহ হৈ
হীৰাৰ দৰে জিলিকি উঠা
তুমি জোনাকী কাৰেঙত নিতৌ
জোনাকৰ গান গোৱা

মই তোমাৰ প্ৰেমত ক্ৰমান্বয়ে মজগুল হৈ গৈ থাকিম
তোমাৰ প্ৰেমত ক্ৰমান্বয়ে
প্ৰতিদিন প্ৰতিপল
প্ৰতিদিন প্ৰতিপল......
"""""""""""""""""""""""""""""""""""""""""""""""""""""""""

.

.

.

.

LikeShow More Reactions

Comment

Share

ফটিকাৰ ৰাগী - Gautam Choudhury

ফটিকাৰ ৰাগী কালি নিশা অলপ ফটিকা খাইছিলোঁ ফটিকাৰ নিচাত তোমাক গালি পাৰিছিলোঁ পাহৰিছিলোঁ তোমাৰ মৰম ভালপোৱা বোৰ। সূৰুযৰ কিৰণ্ আকৌ নতুন প্ৰভাত ভুল বোৰ ক্ষমা কৰিবা দেই বন্ধু। বেলি ডুবিল নিশা হ’ল, আকৌ ফটিকাৰ ৰাগী আকৌ আগৰ নিশাৰ পুণৰাবৃত্তি বন্ধু বেয়া নাপাবা দেই, বিশ্বাস ঘাটক, মিছলীয়া যে মই। গৌতম, ২৪/১২/১৬

ভাস্কৰ - Bhaskar Deka

ভাস্কৰ ............ এনেদৰেই মই হেৰাই যাও কাইলৈ অহাৰ প্ৰতিশ্ৰুতিত। মোৰ বাবেই তোমাৰ পৃথিৱীত দিনৰ পোহৰ নিশাৰ এন্ধাৰৰ পৰিসীমা । মোৰ বুকুতো জ্বলি থাকে জুঁই একুৰা অৰ্নিবান হুতাশন।

অস্তৰাগ - Chandan C Kalita

অস্তৰাগ....... এক ৰৌদ্ৰজ্বল প্ৰভাতৰ পোহৰৰ বিচ্ছুৰিত কণিকাজাকৰ বিমূৰ্ত্ত প্ৰত্যাগমন । এয়াতো মুক্তি নহয়, নিৰ্বান অথবা আত্মাৰ অৱধাৰিত অগাদেৱা খেল । অপূৰ্ণতাৰ অতৃপ্তিহে মাথো ক্ষণভংগুৰতাৰ প্ৰামাণিক সংজ্ঞা । সাচিপাতৰ বুকুত খোদিত হৈ ৰল গণতন্ত্ৰৰ কালিমা নিকা কৰি সময় নেওতাৰে প্ৰগতিৰ মন্ত্ৰ বিচাৰি বিজানুমুক্ত সমাজৰ স্বপ্ন ৰছি ৰছি স্বপ্নদাতা , মন্ত্ৰহোতাৰ অৱৰুদ্ধ গাথা । আশাহত প্ৰাপ্তিৰ মূল্যই বা কত যদি মূক্তিৰে আভূৱা ভৰি সংকুচিত কৰে জীৱনক । ৰামধেনুৰ সাতোৰঙী আভাৰে যদি কাৰাৰুদ্ধ কৰে আলোকক । স্নানাৰত দুৱৰিৰ দলিচাত স্মৃতিৰ মুকুতা লিপি ৰল স্বপ্নময়ী প্ৰতিচ্ছবিৰ সমাহাৰ আলোকৰ মৌন উপহাৰ । হিয়া ভগা ডোখৰ ডোখৰ । ------------------------------চন্দন চি কলিতা

প্ৰেম - ৪-Madhurjya Gogoi

 

.......প্ৰেম - ৪.......

দৃষ্টিৰ এইপাৰে জীৱন...
গতানুগতিক...

সিপাৰে বসন্ত...
কপৌফুলীয়া অনুভূতি...

দেও দি দি আহে মৌন হাঁহি...
বিহু বলিয়া বতাহজাকে জোকাই,
' বাঁহি বাজে ক'ত,
মনৰ গোপন পথাৰত '...

মোৰ সপোনৰ গাওঁখন-Juli Saikia

।। মোৰ সপোনৰ গাওঁখন ।।

এই গাঁও মোৰ বুকুৰ আপোন
য'ত আহি মই জনম ললো ,
শৈশৱ - কৈশোৰ পাছলৈ ঠেলি
ন- জীৱনৰ পাতনি মেলো ।

লুইতৰ পাৰত সঁচা জীৱনৰ
নৱ- যৌৱনৰ কবিতা লিখো ,
ঝাৰণি- ঝাৰণি বননিত বহি
প্ৰিয়ৰ ছবি হিয়াত আকোঁ ।

কোমল কঠিয়া কোমল বোকাৰ
গোন্ধে আহি মোক আমনি কৰে ,
ৰ'দ মিহলোৱা মিঠা বতাহত
ৰিহাৰ আঁচল ৰঙত উৰে ।

নতুন জীৱনৰ বাসনা বান্ধি
পথাৰত নামে কৃষক দল ,
ভঁৰাল - ভঁৰাল সোণালী সপোনে
বুকুত বান্ধে সাহস বল ।

হাতত এচাৰি কান্ধত নাঙল
কৰ্মঠ ডেকা পুৱাতে যায় ,
প্ৰেমেৰে সিক্ত চকুৰে তাৰ
মানসী প্ৰিয়াক বিচাৰি চায় ।

পথাৰৰ আলিৰ কোমল বোকাত
থৰক-বৰক প্ৰিয়াৰ খোজ ,
বুকুত তাইৰ আদিম আশা
চকুত তাইৰ গভীৰ মোহ ।

সৃষ্টিকাৰিণী নাৰীৰ আশাই
শস্য পথাৰ সেউজ কৰে ,
পৱালি আঙুলিৰ উমাল পৰশে
লেহুকা কঠিয়া সঁজাল ধৰে ।

বহু বৰণীয়া ছবিৰে ভৰা
এইখনি মোৰ চেনেহী গাওঁ ,
দূৰতে থাকক আকাশী সৰগ
মৰমী মৰত যদিহে গাওঁ ।
_____________________✍ জুলী শইকীয়া ।
২১/১২/২০১৬

পাগলী (৬)-Dhan Kalita

পাগলী (৬)

পাগলী , অনুভৱ জাগিব নিদি শব্দসম্ভাৰ গুপুতে ৰাখিলি

পলে পলে মাথো মৌনতাহে সিঁচিলি

পাগলী , চিকমিক বিজুলি অস্বীকাৰ কৰিলি

অস্থিৰ ৰেঙনি বুলি অন্ধকাৰতে ৰাখিলি

কি কৰিলি পাগলী , কি কৰিলি

সময়ৰ ধাৰাভাষ্য গুৰুত্ব নিদিলি

মানুহ বিছাৰিলি, অৱয়ব পালি

মৰম বিছাৰিলি , যান্ত্ৰিকতা পালি

জীৱন বিছাৰিলি , মৃত্যুমুখৰ যাতনা পালি

শূণ্যতাকো পৰিগ্ৰহ নকৰিলি

অংকতো আউল লগালি

কি কৰিলি পাগলী , কি কৰিলি

ক চোন ক এবাৰ , কি কৰিলি

LikeShow More Reactions

CommentShare

পাগলী (৫)-পাগলী (৫)

পাগলী (৫)

পাগলী (৫)

পাগলী , লোকৰ আৱৰ্জনাও বুকুতে ভৰালি

লেটেৰা দুৰ্গন্ধতো নাক নোকোছালি

পাগলী , মালীৰ আলপৈচানতো বাগিচাত নুফুলিলি

গৈ গৈ দেখোন বনতহে ফুলিলি

পাগলী , সপোনত ভ্ৰমিলি , আকাশত উৰিলি
খোজ দিব গৈহে দেখোন মাটিতে বাগৰিলি

ক’তনো থাকিলি পাগলী , ক’তনো থাকিলি

………………………………………………………………...

পাগলী অ’ , কচোন এবাৰ ক’ত থাকিলি

ভালপোৱা-Naba Kalita

----। ভালপোৱা ।----
-------**********------
থিতাতে প্ৰাণ পায়
থিতাতে যাহ যায়
সম্বন্ধবোৰে মাথো হামকুৰি খাই ।।
--
অজানিতে গঢ় লয় এটি সম্বন্ধ
কিন্ত
গম নোপোৱাকৈয়ে দেখো
হয় কাৰাৰুদ্ধ ।।
-
কি জংকি পানৈ
কি নল-দময়ন্তি
অঘৰী আত্মাবোৰে
বিচাৰি ফুৰে
মাথো শান্তি ।।

LikeShow More Reactions

Comment

Share

চকুলো-Rashmi Rekha Barman

 

"চকুলো"

চিকমিকনিত হেৰুৱাও অলেখ ঠিকনা,
এন্ধাৰত লুকায় হেজাৰ কাহিনী...
হৃদয়ৰ প্ৰতিটো কোণ কম্পিত হৈ উঠে;
উশাহবোৰ হৈ পৰে ঘন
নিশ্বাসত হুমনিয়াহ হৈ ওলাই আহে বুকুৰ উষ্ণতা,
হেৰুওৱা ঠিকনাত কিমাননো পঠিয়াম চিঠি !

মাথোঁ এটি চিকমিকনিয়ে
বুকুৰ গধূৰতা কঢ়িয়াই বোৱাই নিয়ে অলেখ ঠিকনা
বুকুত জাপি হেজাৰ কাহিনী
উশাহত কম্পিত হৈ উঠে নিশ্বাসৰ অনুক্ম্পা ;
বোৱাই নিয়ে বিশ্বাসৰ মৰম-ভালপোৱা,
বাস্তৱায়িত কৰে দিন ৰাতিৰ পৰিক্ৰমা।

মাথোঁ এটি চিকমিকনিয়ে
হেজাৰ প্ৰতিশ্ৰুতি,
হেজাৰ আশা
বোৱাই লৈ যায় নীৰৱে
আন্ধাৰৰ মাজলৈ
নজনাকৈয়ে...

LikeShow More Reactions

Comment

Share

প্ৰেমত পৰি যাম তোমাৰ-Dipjyoti Dutta

প্ৰেমত পৰি যাম তোমাৰ
-------------------------------------
সূৰুযে পৃথিৱীলৈ চোৱাৰ দৰে
তুমিও চোৱা মোলৈ।
বতাহে যিদৰে শূন্যতাৰ খবৰ ৰাখে
তুমি খবৰ ৰাখা মোৰ।
প্ৰেমত পৰি যাম তোমাৰ।
তুমি যেনিবা বাউলী ৰাধা হ'লাই
মইতো হব নোৱাৰো কলিয়া কানাই।
ভালপাও বুলি কব নোৱাৰো
তথাপিও তোমাৰ বৰ্তমানত
প্ৰেমত পৰি যাম তোমাৰ।
নদী হবলৈ মন নাই মোৰ
সাগৰৰ প্ৰেমত বাউল হবলৈ।
মই যেন এটা কুৱা
ৰচীৰ এটা মূৰত বান্ধি দিয়া
বাল্টিটোৰ সতে খেলোঁ
মৰমৰ খেলা।

✏দ্বীপজ্যোতি দত্ত

LikeShow More Reactions

Comment

Share

বিলাসী ক্ষুধা আখ্যান-Koushik Das

--------------বিলাসী ক্ষুধা আখ্যান ---------------

আপুনি এগৰাকী সম্পুৰ্ণ বিলাসী ভদ্ৰলোক বা মহিলা

বিলাসী কুকুৰ বুকুত সাৱতি

চুৱাপাতনিত ভৰি থকা বাটৰ লেৰেলা কুকুৰবোৰলৈ

শিলগুটি দলিয়াইও আপুনি

বিৰাট বিজয়ানন্দ অনুভৱ কৰিব খোজে ।

আপোনাৰ বিলাসিতাত

বলীয়া হ'ল

আপোনাৰ গাঁও ,

ক্ষুধাত মৰণকাতৰ

আপোনাৰ আপোন মুখবোৰৰ সৈতে

সঁচা হৃদয়েৰে কেতিয়াও

সমভাগী নহয় আপুনি ,

অথচ কান্ধত হাত থৈ

একলগে বহি হাঁহি

সজ্ঞানে উদযাপন কৰে দৰিদ্ৰতা,

আপোনাৰ বিনোদনৰ খোজত

যতি নপৰাৰ লক্ষ্যৰে

বিষদাঁতেৰে সকলো গ্ৰাস কৰি যায়

দৰিদ্ৰতাক সযতনে জীয়াই ৰখাৰ স্বাৰ্থত ।

আপোনাৰ নিত্যনতুন গাড়ীবোৰৰ পিছে পিছে

দৌৰি ফুৰা শিশুবোৰ বাঢ়ি গৈ

এতিয়া জীৱন জুৱাত জুৰুলা হ'ল ।

২৪ × ৭………………

সিহঁতৰ বন্যোন্মাদ যাত্ৰাত

মৃত্যুৰ সমস্ত আঁখৰাই হৈ পৰিল সাঁৰথি ।

বলীয়া কুকুৰ আৰু আপোনাৰ মাজৰ ব্যৱধানত

অধিক সংক্ৰামকৰূপে পৰিগনিত হ'ল আপুনি !!

জানেনে ?

বলীয়া কুকুৰে দাঁত বহুৱালে

নিয়মীয়া চিকিৎসাৰে উপশম হয়

যদিও

আপোনাৰ ৰসনানিৰ্গত

সামান্য কিবা এটা

গচকিলেও পৃথিৱীৰ কোনো বিধানেই

সুস্থ কৰি তুলিব নোৱাৰে ।।

আপোনাৰ বিষদাঁত উঘালিবলৈ

সষ্টম হৈ উঠা প্ৰকৃতিৰ ৰোষত

এদিন আমিও বিনাদোষেই গতি কৰিম

আপোনাৰ সৈতে একেটা ঘাটলৈ …………… ।

LikeShow More Reactions

Comment

Share

সহধৰ্মিনী-Banajit Sharma

 

সহধৰ্মিনী মোৰ কাম্য;
ওখ,বগা,লাহী দেহেৰে
মোৰ বুকুত মুৰ থৈ,
পতিয়ন নিয়াব পাৰিব লাগিব মোক...
ডালিমগুটিয়া হাঁহিটিৰে,
জোনাঁক সিচিব লাগিব,
মোৰ তমসাত...
মোৰ হাত ধৰি খোজ দিব লাগিব,
সময়ৰ দলিছাত..
তাইৰ দুচকুৰ নীলাই,
আকাশ চুব পাৰিব লাগিব;
আৰু থাকিব লাগিব আহাৰৰ ঢল...
জেওৰা ভাঙি পাৰ হোৱা,
চপলতা অতিব প্ৰয়োজনীয়;
মুঠতে সচা অৰ্থত হব লাগিব,
মোৰ সহধৰ্মিনী...

LikeShow More Reactions

Comment

Share