পাগলী (৬)
পাগলী , অনুভৱ জাগিব নিদি শব্দসম্ভাৰ গুপুতে ৰাখিলি
পলে পলে মাথো মৌনতাহে সিঁচিলি
পাগলী , চিকমিক বিজুলি অস্বীকাৰ কৰিলি
অস্থিৰ ৰেঙনি বুলি অন্ধকাৰতে ৰাখিলি
কি কৰিলি পাগলী , কি কৰিলি
সময়ৰ ধাৰাভাষ্য গুৰুত্ব নিদিলি
মানুহ বিছাৰিলি, অৱয়ব পালি
মৰম বিছাৰিলি , যান্ত্ৰিকতা পালি
জীৱন বিছাৰিলি , মৃত্যুমুখৰ যাতনা পালি
শূণ্যতাকো পৰিগ্ৰহ নকৰিলি
অংকতো আউল লগালি
কি কৰিলি পাগলী , কি কৰিলি
ক চোন ক এবাৰ , কি কৰিলি
No comments:
Post a Comment