পৰিব্ৰাজক - Ranju Moni Mahanta

॥পৰিব্ৰাজক॥ ✍ ৰঞ্জুমণি মহন্ত । মই এক পৰিভ্ৰমী চৰাই , হৃদয়ৰ পৰা হৃদয়লৈ মোৰ সহজ পৰিভ্ৰমণ। গভীৰ উজাগৰী ৰাতি ক'ৰ পৰা ভাহি আহে ভায়োলিনৰ সুৰ ? মোহাবিষ্ট হওঁ , সেই সুৰৰ কাৰুণ্যত । ভোল যাওঁ , মই ভোল যাওঁ সেই মায়াবী সুৰত। সুৰৰ জলঙাৰে খেপিয়াই চাওঁ সেই গোলাপী হৃদয় । একাত্মতাৰে খন্তেক জিৰাই পুনৰ ওলাওঁ মই যে এক পৰিভ্ৰমী চৰাই , জিৰোৱাৰ নাই অভিপ্ৰায় । কেতিয়াবা মুগ্ধ হওঁ , মুগ্ধ হওঁ কোনো সৰলতাত আৰু সাজি লওঁ এক অস্হায়ী ঠিকনা সেই সৰল ছায়াঁত । মোহাচ্ছন্ন হওঁ মোহাচ্ছন্ন হওঁ তেওঁৰ সমৰ্পনত, তথাপি কোনো বান্ধোন মোৰ কাম্য নহয় । হওক লাগিলে মোৰ সোঁভৰিৰ বৃদ্ধাঙ্গুষ্ঠত তেওঁৰ সৰ্বস্ব সমৰ্পিত। কিন্তু অন্তহীন মোৰ তৃষা। কোনো হৃদয়তে নাই মোৰ শেষ ঠিকনা ! কাৰণ মই যে এক পৰিভ্ৰমী চৰাই ।