অপেক্ষা - Juli Saikia

।। অপেক্ষা ।। তাইৰ আশা...... এবুকু আন্ধাৰৰ মাজত ক্ষুদ্ৰ এটি জোনাকী পৰুৱা । অন্ধকাৰেই চিৰলগৰী, অশ্ৰুৱেই তাইৰ জীৱন... কেতিয়াবা এমোকোৰা হাঁহি, সিও বিষাদৰ । প্ৰাণচঞ্চল মনটো কেতিয়াবা... উটি যাব খোজে, কিন্তু হঠাত কিবা ভাবি আকৌ থমকি ৰৈ যায় । থমকি ৰৈ যোৱাই জানো তাইৰ লক্ষ্য ?? স্নিগ্ধ জোনটোৱে তাইলৈ চাই হাঁহে, তাইক প্ৰতাৰণা কৰে । গভীৰ সাগৰৰ মাজত..... তাই এখন টুলুঙা নাও ! সিও বঠাবিহীন । ৰঙা-নীলা স্মৃতিবোৰ ক'লা হৈ পৰে , চকুৰ পানীবোৰ.... গোটমাৰি বৰফ হয় , কিবা এটা নোপোৱাৰ তাড়নাত... তাই চট্ফটাই থাকে , একুৰা ৰঙা-জুইত পৰা এটি চগাৰ দৰে । তন্দ্ৰামগ্ন যৌৱনটোক.... জোৰকৈ লৈ ফুৰিছে , জানিও নজনাৰ ভাও ধৰি । জীৱনৰ ৰংগমঞ্চত তাই ভাও দি গৈছে..... সুখৰ ভাও , হাঁহিৰ ভাও । ৰক্তাক্ত হৃদয়ৰ প্ৰতিটোপাল তেজ নীলা হৈ পৰিছে , তাইৰ অন্তৰত.... গ্ৰহণ লাগিছে । মহাশূন্য়ৰ বুকুৰ ..... কোটি-কোটি তৰাৰ দৰেই অপেক্ষাই তাইৰ সংগী !! কাৰ কাৰণে এই অপেক্ষা ! যাৰ কোনো অৰ্থ নাই...... নিসংগতাই তাইক জোকাই আছে , তথাপিও তাই জীয়াই আছে ।। কাৰ বাবে ?? কিহৰ বাবে ??? _____________________জুলী শইকীয়া ।