॥ নাৰী ॥ - Ranju Moni Mahanta

॥নাৰী ॥ ✍ ৰঞ্জুমণি মহন্ত । সহনশীলতাৰ কঠিন বৰ্ম পিন্ধি মৃত্যুৰ দুৱাৰদলিত ভৰি থৈ স্বাগতম জনাওঁ তোমাক । জীৱন-মৰণৰ সন্ধিক্ষণত পৃথিৱীলৈ আগমন তোমাৰ। সৌন্দৰ্য্যৰ অৱক্ষয়ত প্ৰতিপালিত তোমাৰ আঁহে পাঁহে লাগি থকা মোৰ ক্ষয়িষ্ণুতাৰ শোক গাঁথা ঢাকি ৰাখো মমতাৰ অহংকাৰেৰে। ভগ্নীত্বৰ আঁচলৰ স্নেহবন্ধনত সুশোভিত তোমাৰ হাত । যৌৱনত মই তোমাৰ প্ৰেয়সী । তোমাৰ সমস্ত ৰিক্ততা, বিষণ্ণতা আৰু নিঃসংগতাৰ মই সংগী ময়েই মাতৃ , ময়েই ভগ্নী, ময়েই প্ৰেয়সী অথবা পত্নী । নেলাগে অৰ্ধাকাশ এখন মুক্তাকাশ দিয়া ভীতিহীন, নিঃসংকোচ সহজ বিচৰণ মোৰ চিৰকাম্য ।