আকৌ যেন কবি হৈ যাম - Himangshu Prasad Das

আকৌ যেন কবি হৈ যাম -------------------------- হিমাংশু প্ৰসাদ দাস আকৌ যেন কবি হৈ যাম উভটি বোৱা নদীৰ উন্মাদনাৰে যেন তোমাক সাবটি ধৰিম ফেনে-ফোটোকাৰে যেন উপচি পৰিম তোমাৰ সমগ্রতাত অৰণ্যৰ সেউজীয়া হৈ অন্তৰৰ অতলৰ পৰা ডিঙিলৈ উজাই আহক ব্ৰহ্মাণ্ডৰ তৃষ্ণাৰ্ত কাতৰতা তোমাৰ ওঁঠৰ পৰা বুটলি আনিম নিটাল মৰা মোৰ শব্দৰ আদিমতা আকৌ যেন কবি হৈ যাম দুহাত মেলি আগচি ধৰিম দুৰন্ত বতাহ চিটিবাছৰ পাওদানীত উলমি গোটেই চহৰখনক যেন শুনাই যাম এইমাত্ৰ লিখি শেষ কৰা মোৰ কবিতাৰ উন্মুক্ত উচ্চাৰণ উলাহৰ নিচান উৰুৱাই উৰুৱাই যেন জাকি মাৰি আহিব অত'দিনে মোৰ পৰা আতঁৰি থকা বসন্ত বসন্ত প্ৰতিটো আখৰ যেন এতিয়াই লিখিব পাৰিম আজিলৈ লিখা নোহোৱা মোৰ শ্ৰেষ্ঠ কবিতা আকৌ যেন কবি হৈ যাম দুহাত মেলি আগচি ধৰিম দুৰন্ত বতাহ ফোন:৯৭০৭০-১৫৪৯৬