নাৰী - Moukuhi Saikia

::::নাৰী:::: যন্ত্ৰনাৰ জুইৰে বুকুৰ আমঠু পুৰাই চকুলোৰে শীতল কৰে তেওঁৰ উষ্ণ বুকুৰ আন্দোলন, সেউজীয়া গছৰ ছাঁ হৈ বুকুৰ অমৃতৰ ভাণ্ড লুটিয়াই তেওঁ মৰুভূমিত শিপাই । বুকুত সাতামপুৰুষীয়া এটি ভোক কঢ়িয়াই বঙহৰ মোহত নিজম নিশাবোৰত নাহৰৰ চোতালত তেওঁ উলংগ হৈ নাচে, লঘোনীয়া পেটৰ তাগিদাত। প্ৰিয়জনৰ এমুখ হাঁহিৰে প্ৰজ্বলিত হৈ দুওঠঁৰ মৌনতাৰে ঢাকি ৰাখে তেওঁ সপোনৰ সোঁৱণশিৰি । সপোন পুৰি ছাই হোৱা বুকুৰ তেজ লুকুৱাই তেওঁৰ ওঁঠৰ পদুলিত সূর্যমূখী ফুলাই । তেওঁৱেই নাৰী, তেজেৰে চকুলো বোৱাই আপোনজনৰ বুকু জুৰাই ।