.প্ৰেম - ৬-Madhurjya Gogoi

 

.........প্ৰেম - ৬.........

তোমাৰ ৰাগেৰে বিস্তাৰ আৰু আলাপ...
হ'বলৈ দিয়াচোন অচিনাকি কথাৰ পয়োভৰ...
হয়তোবা সৃষ্টি নতুন গানৰ...
গানৰ পৰা জীৱন...
জীৱনৰ পৰা তাৰো অধিক কিবা...
আত্মিক অন্তৰংগতা...

বুজি নোপোৱা সাঁথৰৰ �মাজতো
কিবা বুজি চোৱাৰ প্ৰয়াস...

হয়তো বিষাদ...
হয়তো প্ৰেম...

পণ্য -Juli Saikia

· 

।। পণ্য ।।

প্ৰতিযোগিতাৰ নামত বিজ্ঞাপণৰ চমক
চৌপাশে লাহ - বিলাসৰ জীৱন ।
নানাজনৰ লগত হলিগলি কৰি
হে স্বল্পবস্ত্ৰ পৰিহিতা নাৰী !
তুমি এই প্ৰতিযোগিতাৰ পণ্য
কোনেও নকৰে তোমাক গণ্য ।
ওৰণি গুচাই স্বল্পবস্ত্ৰৰে
চাৰ্কাছৰ বহুৱাহে ।
আধুনিকতাৰ বন্যাত উটি
আদিম বৰ্বৰ যুগলৈ
পুনৰ ধাৱমান এই গতি ।

তুমি নিজেই তোমাৰ শত্ৰু
আনক দোষাৰোপ নকৰিবা ।

মনত ৰাখিবা .....
---------------"দেহৰ বাবেহে পোছাক
পোছাকৰ বাবে দেহ নহয় ।---------------""

------------------------------------✍ জুলী শইকীয়া ।
১০/০১/২০১৬
----------------------

তোমাৰ লগত প্ৰেম কৰাতোও ভুল-Chandan C Kalita

Chandan C Kalita

তোমাৰ লগত প্ৰেম কৰাতোও ভুল ।
বৰ জুখি মাখি কথা কোৱা তুমি
আকাৰ ইকাৰ উকাৰ ....
ধেৎ তেনেকৈ প্ৰেম হব পাৰে নেকি
প্ৰেমতো হল বিনদাছ
আনলিমিটেড জিও ছীম
Fill it shut it forget it

মোকতো জানাই
কিমান easy going মই
না কোনো complex
না formerlty
মাটিৰ কলহৰো পানী পিব জানো
আৰু facebook ত kfc ৰ photo o uplode কৰো
প্ৰেম তেনেকুৱাই জানা
একদম বিনদাছ ।

তুমিতো সুমথিৰা খুব ভাল পোৱা
তুমিয়ে কৈছিলা
ভিটামিন চি আৰু কিবাকিবি খনিজেৰে ভৰি আছে সুমথিৰা ।
ধেৎ তেৰি তেনেকৈ হব জানো বেঙ
মই সুমথিৰা ভাল পাও কাৰণ
মই সুমথিৰা ভাল পাও
কোনো যুক্তি নাই কোনো স্বাৰ্থ নাই
মূক্ত বিহংগৰ দৰে দেও দি উৰি ভাল পাও
লক্ষ্যহীন উদ্দেশ্যহীন ।
এয়াহে প্ৰেম , ঝাকাছ ।

যদি পাৰা প্ৰেমৰ track ওলৈ আহা
পূৰ্ণিমাৰ জোনাকত সৌন্দৰ্য্য বিচাৰি চোৱা
পখিলাৰ পাখি লাহিত প্ৰেমৰ সুৱাস বিচাৰি লোৱা ।
বিদ্যা কৈছোঁ মোক তাতেই পাবা ।
প্ৰেমৰ সাগৰত বিনদাছ হৈ ।

প্ৰেম বিষয়ক-পাৰ্থ প্ৰতিম কলিতা

প্ৰেম বিষয়ক
------------------
১
পৃথিৱীৰ পুৰণি নিয়ম
আধা দিন
আধা ৰাতি

২
অ' মোৰ মৰম
তই টোপনিৰ শেষৰটো উশাহ
দিনৰ প্ৰথমটো সুৱাস

৩
তোৰ মোৰ মাজত
তিনিহাত বাট
দুহাতত উচুপে দুহাত

৪
মাটিৰ পুতলা আমি
চকুপানীত হেৰাই জোন
মেঘৰ কি দোষ

৫
চুই চোৱা মোৰ হাতৰ আঙুলি
অ' মোৰ মৰম
কিদৰে সাৰে থাকে মাজৰাতি

✍পাৰ্থ

কবিতা নহয়:Dhan Kalita

কবিতা নহয়:----------

প্ৰতিটো হুমুনিয়াহেই মাথো আত্মাৰহে ক্ৰন্দন

তুমি কোৱাৰ দৰে নহয় সেয়া কোনো

অভিশাপৰ বৈ পৰা নিজৰা

বুকুখনতো নহয় কাহানিও মৰা নৈ

নহয় কাহানিও খৰাংৰ চিৰাল মৰা ফাট

সকলো সলনি হ’ব , সকলো সলনি হওঁক

সলনি নহয় মোৰ অনুভূতিৰ আগ্নেয়গিৰি

সলনি নহয় প্ৰাৰ্থনাৰ সুৰ…………...

মোৰ চকুপানীৰ টোপালবোৰত এইখন কাৰ মুখ-Dhanbor Bhuyan

মোৰ চকুপানীৰ টোপালবোৰত
এইখন কাৰ মুখ।
(০.২)
তুমি নেমেলিবা কাজল সনা চকু,
মৰিব পখিলা, জ্বলিব মোৰ স্বপ্নৰ বুকু।
(০.৩)
মোৰ বুকুত এইডাল কিহৰ হুল,
সপোনৰ ভালপোৱাত
ৰাহু-কেতুৰ অযুত ভুল।
(০.৪)
তুমি ক'ত বজোৱা বাঁহী,
মোৰ কলিজা সূর্যাস্তৰ নিয়মীয়া প্রহৰী।
(০.৫)
তুমি ইমান চঞ্চল হৈছা
কাৰ ভালপোৱা চুমি,
মোৰ দেহত বাঢ়ি গৈছে
বসন্তৰ অবাধ মৰুভূমি।

কিদৰে-Rajib Bora

কিদৰে মচি দিও
বুকুৰ তেজেৰে লিখা হেঁপাহি কবিতা!
কিদৰে পাহৰো বসন্তৰ
ৰাগি লগা শেৱালিৰ সুবাস।
বুকুৰ পৰা জিয়া মঙহ
কাটিব পাৰি জানো!
আপোন বুলিবলে কলিজাখনেইটো আছে,
তাকো সকলোৱে চেপি চেপি খালে।